Дознај Повеќе за
Грин Ленд Груп

Кој Сме Ние и
Што Работиме

Грин Ленд Груп е водечка лиценцирана компанија во Северна Македонија, специјализирана за управување со отпадни масла. Со посветеност кон еколошката одговорност, обезбедуваме сигурен и ефикасен процес на собирање, складирање и преработка на отпадните масла. Работиме во целосна согласност со Законот за Проширената Одговорност на Производителот, помагајќи во создавање почиста и одржлива животна средина.

Ален Адиловиќ Генерален Директор

„Грижата за животната средина не е само обврска, туку и одговорност што ја споделуваме сите. Во Грин Ленд Груп, секој литар отпадно масло го гледаме како можност – можност за почиста природа, одржлив развој и подобра иднина. Заедно со нашите партнери создаваме промени што траат.“

“Чиста иднина започнува со одговорни одлуки денес, за зелено утре.”

Откријте Повеќе За Нас

Грин Ленд Груп е непрофитна компанија посветена на одговорно и еколошки свесно управување со отпадните масла, согласно Законот за Проширена одговорност на производителот и Законот за управување со посебните текови на отпад.

Како лиценциран колективен постапувач во Северна Македонија, акредитиран од Министерството за Животна Средина и Просторно Планирање, Грин Ленд Груп ја потврдува својата посветеност кон највисоките стандарди во областа на одржливото управување со отпадните масла.

Нашата мисија е да изградиме цврсти и долгорочни партнерства со компании и институции, следејќи ги европските регулативи за намалување на негативното влијание врз животната средина. Со тоа, промовираме одговорен пристап кон отпадните масла и овозможуваме почиста и поздрава иднина за сите.

Нашата Мисија

Грин Ленд Груп е посветен на одговорно управување со отпадните масла, нудејќи иновативни и еколошки решенија за компаниите што создаваат индустриски отпадни масла. Преку едукација, информирање и одржливи практики, ја намалуваме еколошката штета и ја подигнуваме јавната свест за важноста на рециклирањето во Македонија.

Нашата Визија

Нашата визија е да ја претвориме Македонија во општество со висока еколошка свест, каде што секоја компанија одговорно управува со отпадните масла. Со нашите решенија и образовни иницијативи, сакаме да станеме водечки еко-партнер во регионот, препознатлив по иновации, професионализам и позитивно влијание врз животната средина.

Нашите Партнери

Основачи на Грин Ленд Груп ДОО Скопје

ПАЦ ПРЕВОЗ
ДОО Скопје

ЗЕНИТ МОТОР ОИЛ
ДООЕЛ Скопје

СЕРАФИМИ
ДООЕЛ Теарце

Најчесто Поставувани Прашања!?

Грин Ленд Груп е компанија специјализирана за управување со отпадни масла, нудејќи еколошки и законски усогласени решенија за компании и индустрии.

Да, сите компании што произведуваат, увезуваат или користат масла имаат законска обврска да склучат договор со лиценциран управувач како Грин Ленд Груп.

Отпадните масла се транспортираат до лиценцирани постројки каде што се третираат во согласност со еколошките стандарди и законските регулативи.

Можете да нè контактирате преку веб-страницата, телефон или е-пошта, и нашиот тим ќе организира безбеден транспорт и управување со маслата.

Со соработка со Грин Ленд Груп, осигурувате одговорно управување со отпадните масла, намалување на еколошкиот отпечаток и усогласеност со сите законски прописи.

Да, неправилното складирање или исфрлање на отпадните масла може да резултира со значителни законски санкции и еколошка штета.