Отпадно Масло

Отпадно масло

Отпадното масло се дефинира како секое масло на база на нафта или синтетичко масло кое, преку контаминација, станало несоодветно за својата првобитна намена поради присуство на нечистотии или губење на оригиналните својства.

Агенцијата за заштита на животната средина на САД – ЕПА  го дефинира терминот „искористено масло“ како секое нафтено или синтетичко масло што е користено, а како резултат на таквата употреба е контаминирано со физички или хемиски својства. „Користено масло“ е прецизен регулаторен термин. „Отпадно масло“ е погенерички термин за масло кое е контаминирано со супстанции кои може или не можат да бидат опасни. Секое масло загадено со опасен отпад може само по себе да биде опасен отпад, и ако е така, мора да се управува според стандардите за управување со опасен отпад. И искористеното масло и отпадното масло бараат соодветно рециклирање или отстранување за да се избегне создавање еколошки проблем.

Некои примери на видови производи кои по употребата може да се означат како искористено масло се: хидраулично масло, масло за менувач, течности за сопирачките, моторно масло, масло за картер, масло за менувач, синтетичко масло,  мазут. 

Согласно одредбите од Законот за управување со отпад, Министерството за животна средина на територијата во државава има издадено лиценци за собирање на употребени отпадни масла, мазива од индустријата и услужните дејности и употребени отпадни масла за јадење од (хотели, ресторани, кујни).

Обврска на сопственикот е да обезбеди соодветни садови за собирање на употребените масла, во зависност од тоа колку отпадно масло се создава и прописно да го чува се до неговото предавање за уништување. За предаденото отпадно масло се добива транспортен формулар со вкупната количина која е предадена. Договорот и транспортниот формулар се неопходни за доказ пред надлежните инспекциски органи дека фирмата легално се ослободува од отпадните масла и масти и масло за јадење.

Во случај кога сопственикот не постапува согласно законската регулатива ја загадува и загрозува животната средина. Во многу случаи ваквите штетни отпадни масла и од индустријата, сервисите, угостителството и услужните дејности завршуваат во реки и долови. Наспроти тоа, со рециклирање и повторното користење на користеното моторно масло може да обезбеди огромни придобивки за животната средина. Рециклирано користено моторно масло може повторно да се рафинира во ново масло, да се обработи како мазут и да се користи како суровина за нафтената индустрија.

Некои причини за повторна употреба и рециклирање на користеното масло: