Green Land Group започна ново поглавје во едукацијата на најмладите

Првата пилот-едукација за заштита на животната средина се одржа во ООУ „Мирче Ацев“ – Скопје

Едукацијата за животната средина започнува уште од најмала возраст. Водени од оваа идеја, Green Land Group започна ново поглавје посветено на запознавање на најмладите со правилното управување со отпадните масла и со начините на кои секој од нас може да придонесе за почиста планета.

Првата пилот-едукација се одржа во ООУ „Мирче Ацев“ – Скопје, со учениците од второ одделение. Преку игра, разговор и интерактивни задачи, децата го следеа „патот на капката“ и учеа зошто отпадното масло не треба да се фрла во одводите или во природата.

Активностите беа приспособени на нивната возраст, овозможувајќи им на учениците на едноставен и интересен начин да ги разберат последиците од неправилното постапување со отпадот. Тие истовремено открија дека и малите, секојдневни навики можат да придонесат за заштита на водата, почвата и целиот екосистем.

Децата покажаа голема љубопитност, активно учествуваа во разговорот и со ентузијазам ги решаваа подготвените задачи. Нивната заинтересираност уште еднаш потврди дека еколошката свест најуспешно се гради преку знаење, позитивни примери и практични искуства.

Со оваа иницијатива, Green Land Group продолжува да инвестира во создавањето одговорни и еколошки освестени генерации. Нашата цел е ваквите едукативни активности да ги доближат важните еколошки теми до децата и да ги поттикнат уште од најрана возраст да се грижат за средината во која живеат.

Затоа што промената започнува од најмладите, а секоја правилно насочена капка води кон почиста и позелена иднина.

Green Land Group – од знаење до навика, од најмала возраст.